جود بیلنگھم نے ریال میڈرڈ سے 2031 تک نیا معاہدہ کر لیا

اسپین کے اخبار ’آس‘ کے مطابق انگلینڈ کے جود بیلنگھم نے ریال میڈرڈ کے ساتھ نیا معاہدہ کر لیا ہے جو 2031 تک مؤثر رہے گا، تاہم اس معاہدے کا باضابطہ اعلان کلب کی جانب سے ہونا باقی ہے۔

نئے معاہدے میں بیلنگھم کی ریال میڈرڈ میں اہمیت اور میدان میں ان کے کردار کو مدنظر رکھتے ہوئے بہتر شرائط شامل کی گئی ہیں۔

یہ معاہدہ ایسے وقت میں کیا گیا ہے جب انگلش کھلاڑی نے اس سیزن میں شاندار آغاز کیا ہے، اور بعض مبصرین کے مطابق اگر وہ اسی کارکردگی کو برقرار رکھتے ہیں تو وہ ’بالون ڈور‘ یعنی گولڈن بال ایوارڈ کے مضبوط امیدوار بن سکتے ہیں۔