بارسلونا نے رودری کے لیے مانچسٹر سٹی کو 60 ملین یورو کی پیشکش کر دی

بارسلونا نے مانچسٹر سٹی کو ہسپانوی مڈفیلڈر رودری کے حصول کے لیے 60 ملین یورو کی نئی پیشکش دی ہے۔

اطالوی ٹرانسفر ماہر صحافی فابریزیو رومانو کے مطابق، اس تازہ ترین پیشکش میں اضافی مالی شرائط بھی شامل ہیں، تاہم مانچسٹر سٹی اپنی 80 ملین یورو کی مالی ڈیمانڈ پر قائم ہے۔

ادھر بارسلونا اب بھی انگلش کلب کے ساتھ معاہدے کی امید رکھتا ہے اور دونوں فریقین ایسی درمیانی راہ تلاش کرنے کی کوشش کر رہے ہیں جس سے ڈیل مکمل ہو سکے۔

واضح رہے کہ رودری مانچسٹر سٹی کی ٹیم کے اہم ستونوں میں شمار ہوتے ہیں اور بارسلونا کی انتظامیہ کے لیے اس سمر ٹرانسفر ونڈو میں یہ ڈیل اولین ترجیح ہے۔