طرابزون اسپور نے محمد صلاح سے معاہدہ فائنل کر لیا

ترک میڈیا رپورٹس کے مطابق فٹبال کلب طرابزون اسپور نے مصری اسٹار محمد صلاح کے ساتھ معاہدہ حتمی شکل دے دی ہے، جو گزشتہ چند دنوں سے ان کے ایجنٹس کے ساتھ جاری مذاکرات کے بعد طے پایا۔

ابتدائی طور پر محمد صلاح اور ترک کلب بشکاش کے درمیان بات چیت ہوئی تھی، تاہم مذاکرات میں تعطل کے بعد جمعہ کو اچانک طرابزون اسپور نے معاملے میں دلچسپی ظاہر کی۔

صحافی یاگِز سابونکولو کے مطابق طرابزون اسپور کی انتظامیہ نے محمد صلاح کے ایجنٹ رامی عباس کی اس شرط کو منظور کر لیا ہے جس کے تحت صلاح کو ان کے نام والے کلب شرٹس کی فروخت سے 20 سے 25 فیصد منافع دیا جائے گا۔

معاہدے کی تفصیلات اور دستخط کی تیاری

سابونکولو نے بتایا کہ طرابزون اسپور نے محمد صلاح کو دو سالہ معاہدہ پیش کیا ہے، جس کے تحت انہیں سالانہ 17 ملین یورو تنخواہ ملے گی۔ صحافی اونور تاشکیوغلو نے بھی تصدیق کی ہے کہ محمد صلاح اس پیشکش کو قبول کر چکے ہیں۔

اسی حوالے سے صحافی یعقوب جینار نے بتایا کہ محمد صلاح آئندہ بدھ کو استنبول پہنچیں گے، جہاں وہ ترک کلب کے ساتھ باضابطہ معاہدے پر دستخط کریں گے۔

ترک اخبار "صباح اسپور" نے اس معاہدے کو ترکی میں "گرمیوں کی سب سے بڑی ڈیل" قرار دیا ہے اور پیش گوئی کی ہے کہ طرابزون اسپور کے مداحوں کے لیے صلاح کی شرٹس مارکیٹ میں آتے ہی فروخت ہو جائیں گی۔

ایکس پر ٹویٹ دیکھیں

ترک لیگ میں طرابزون اسپور کی کارکردگی

واضح رہے کہ طرابزون اسپور نے گزشتہ سیزن ترک سپر لیگ میں تیسری پوزیشن حاصل کی تھی، جبکہ 2022 میں ساتویں بار لیگ ٹائٹل اپنے نام کیا۔