کیسے سیٹین: بارسلونا سے قبل مصر میں کوچنگ کے قریب تھا

بارسلونا کے سابق کوچ کیکے سیٹین نے انکشاف کیا ہے کہ وہ جنوری 2020 میں کاتالان کلب میں شمولیت سے قبل ایک مصری کلب کی کوچنگ کے قریب تھے۔

ان کا کہنا تھا کہ وہ ایسے کھلاڑیوں کو بھی کوچ کر چکے ہیں جن کی مالیت 80 ملین یورو تھی، حالانکہ وہ فٹبال کو سمجھتے نہیں تھے۔

انہوں نے میڈیا سے گفتگو میں کہا: ’مجھے ایک بزنس مین کی جانب سے پیشکش ملی تھی جو مصر میں ایک کلب خریدنا چاہتا تھا، اس نے مجھے بہت بڑی مالی رقم کی پیشکش کی۔ یہاں تک کہ میں نے اپنے اہل خانہ کو بھی بتا دیا تھا کہ ہم چند ماہ کے لیے سیزن کے اختتام تک مصر جا رہے ہیں۔‘

انہوں نے مزید بتایا: ’سفر کے لیے پرائیویٹ طیارہ بھی تیار تھا اور معاہدہ بھی تیار ہو چکا تھا، لیکن ہم نے اس پر دستخط نہیں کیے کیونکہ اس بزنس مین نے کلب خریدنے کے عمل میں مسائل دیکھ کر ارادہ بدل لیا۔‘