ایشیائی فٹبال فیڈریشن نے فیفا کا نیا منصوبہ مسترد کر دیا

ایشیائی فٹبال فیڈریشن نے فیفا کی جانب سے 'فیفا فارورڈ انٹرپرائز' کے قیام کی تجویز اور اس کی پیشکش کا طریقہ مسترد کر دیا ہے۔

بدھ کے روز جاری بیان میں ایشیائی فیڈریشن نے کہا کہ اس منصوبے کے اعلان سے قبل اس سے کوئی مشاورت نہیں کی گئی۔

ایشیائی فیڈریشن نے اس بات پر مایوسی کا اظہار کیا کہ اتنے اہم معاملے کو عوامی سطح پر لایا گیا، جبکہ براعظمی فیڈریشنز کو اس پر غور اور بحث کا موقع نہیں دیا گیا۔

بیان کے اختتام پر ایشیائی فیڈریشن نے فٹبال کی ترقی میں اپنا کردار جاری رکھنے کے عزم کا اعادہ کیا اور کہا کہ کسی بھی اسٹریٹجک اصلاحات کے لیے شراکت داری، شفافیت اور اتفاق رائے ضروری ہے۔

فیفا کی جانب سے 'فیفا فارورڈ انٹرپرائز' کے قیام کی تجویز ایک آزاد تجارتی ادارے کے طور پر سامنے آئی ہے، جس کا مقصد فیفا ٹورنامنٹس کے تجارتی حقوق کا انتظام اور فٹبال میں سرمایہ کاری و تجارتی آمدن کو فروغ دینا ہے۔