مورینیو نے ریال میڈرڈ کے مڈفیلڈ بحران کا اعتراف کر لیا

ریال میڈرڈ کے کوچ جوزے مورینیو نے تسلیم کیا ہے کہ ٹیم کو مڈفیلڈ میں بحران کا سامنا ہے، یہ اعتراف انہوں نے انٹر میلان کے خلاف یورپی چیمپئنز لیگ کے ابتدائی میچ سے قبل کیا۔ یہ مقابلہ منگل کی شب کھیلا جائے گا۔

مورینیو نے پیر کو منعقدہ پریس کانفرنس میں بتایا کہ ٹیم کو مڈفیلڈ کے کئی اہم کھلاڑیوں کی عدم دستیابی کا سامنا ہے، جن میں سے بعض معطلی اور بعض انجری کے باعث باہر ہیں، جس سے ان کے پاس محدود آپشنز رہ گئے ہیں۔

ریال میڈرڈ کی جانب سے ایڈوارڈو کاماوینگا، برنارڈو سلوا اور اردا گولر معطلی کے باعث میچ سے باہر ہیں، جبکہ اوریلیان چوامینی اور تیاغو پیٹارش مکمل طور پر فٹ نہیں ہو سکے۔ اس صورتحال میں فیڈریکو والورڈی واحد دستیاب مڈفیلڈر ہیں جو ٹیم کے پہلے اسکواڈ کا حصہ ہیں۔

ادھر میڈیا رپورٹس میں کہا گیا ہے کہ مورینیو کاسٹیا ٹیم کے کسی کھلاڑی جیسے خورخی سیسترو یا سرخیو مارٹینیز کو موقع دے سکتے ہیں، یا پھر ٹیم کے کسی اور کھلاڑی مثلاً جود بیلنگھم یا ٹرینٹ الیگزینڈر آرنلڈ کو مڈفیلڈ میں آزما سکتے ہیں، یا حتیٰ کہ سینٹر بیک دین ہوئسن کو بھی اس پوزیشن پر کھلا سکتے ہیں۔

ایکس پر مکمل ٹویٹ دیکھیں

مورینیو کے آپشنز اور ٹیم شیئر نہ کرنے کی حکمت عملی

ٹرینٹ الیگزینڈر آرنلڈ کو مڈفیلڈ میں کھلانے کے سوال پر مورینیو نے براہ راست جواب دینے سے گریز کیا اور کہا: "میں اس پر تبصرہ نہیں کروں گا۔" انہوں نے مزید کہا کہ ان کے پاس کئی آپشنز موجود ہیں، تاہم وہ میچ سے قبل ٹیم کے بارے میں کچھ ظاہر نہیں کریں گے۔