برازیل میں شہد کی مکھیوں کے حملے سے فائنل میچ رک گیا

برازیل کی ریاست باہیا کی انڈر 20 فٹبال چیمپئن شپ کے فائنل کا پہلا میچ باہیا اور فلومینینسی دی فییرا کے درمیان شروع ہونے کے صرف 11 منٹ بعد اس وقت روک دیا گیا جب شہد کی مکھیوں کے ایک جھنڈ نے اچانک گویا دی پرنسسا اسٹیڈیم، ویرا دی سانتانا پر حملہ کر دیا۔

مکھیوں کے حملے کے باعث کھلاڑیوں اور ریفریوں کو ڈنک سے بچنے کے لیے زمین پر لیٹنا پڑا، جبکہ تصاویر میں دیکھا جا سکتا ہے کہ کیمرے کے گرد بھی بڑی تعداد میں مکھیوں کا ہجوم تھا۔

صورتحال پر قابو پانے کے لیے اسٹیڈیم کے عملے نے آبپاشی کا نظام چلا کر مکھیوں کو منتشر کرنے کی کوشش کی، جو تقریباً 10 منٹ بعد کامیاب ہوئی اور کھیل دوبارہ شروع ہو سکا۔

میچ کے دوبارہ آغاز کے بعد باہیا کی ٹیم اسکور برابر نہ کر سکی اور اسے پہلے مرحلے میں آٹھ صفر کی بھاری شکست کا سامنا کرنا پڑا، جس کے بعد واپسی کے امکانات انتہائی کم ہو گئے ہیں۔