بائرن میونخ کی شاندار فتح، لائپزگ کو چھ ایک سے شکست

بائرن میونخ نے اپنے حریف لائپزگ کو چھ ایک کے واضح فرق سے شکست دے کر جرمن فٹبال لیگ کی قیادت سنبھال لی۔

بائرن کی جانب سے ڈیاز نے بارہویں منٹ میں پہلا گول کیا، جس کے بعد الیگزینڈر پافلووچ نے چھبیسویں منٹ میں دوسرا گول اسکور کیا۔ فرانسیسی کھلاڑی مائیکل اولیسے نے چونتیسویں منٹ میں تیسرا گول داغا۔ دوسرے ہاف کے آغاز پر ڈیاز نے سینتالیسویں منٹ میں چوتھا اور اپنا دوسرا گول کیا، پھر انگلش اسٹرائیکر ہیری کین نے صرف پانچ منٹ بعد پانچواں گول اسکور کیا۔ ڈیاز نے انہتر ویں منٹ میں چھٹا گول کر کے اپنی ہیٹ ٹرک مکمل کی۔ لائپزگ کی جانب سے واحد گول آندریا ماکسیمووچ نے دوسرے ہاف کے انجری ٹائم کے پہلے منٹ میں کیا۔

اس فتح کے بعد بائرن میونخ کے پوائنٹس چودہ ہو گئے ہیں اور وہ گول اوسط کی بنیاد پر بوروسیا ڈورٹمنڈ سے آگے ہے، جبکہ لائپزگ نو پوائنٹس کے ساتھ ساتویں نمبر پر ہے۔

بائرن میونخ بدھ کو اپنے ہوم گراؤنڈ پر انگلش کلب آرسنل کے خلاف یورپین چیمپئنز لیگ کے مقابلے کے لیے تیاری کر رہا ہے۔