سعودی عرب میں 80 لاکھ سے زائد افراد چھوٹے و درمیانے کاروباروں میں برسرروزگار

جامعہ امام محمد بن سعود میں مالیات و سرمایہ کاری کے پروفیسر ڈاکٹر محمد مکنی نے بتایا ہے کہ سعودی عرب میں چھوٹے اور درمیانے درجے کے کاروباری شعبے میں 80 لاکھ سے زائد افراد کام کر رہے ہیں۔ اس شعبے کی ملکی معیشت میں شراکت 23 فیصد تک پہنچ چکی ہے، جبکہ ہدف یہ ہے کہ اس کا حصہ بڑھا کر 35 فیصد تک لے جایا جائے۔

انہوں نے الاخباریہ چینل سے گفتگو میں مزید کہا کہ ماضی میں اس شعبے کو مالی وسائل کی فراہمی ایک بڑا چیلنج تھا، تاہم اب سعودی وژن کی بدولت اس میں نمایاں بہتری آئی ہے۔

ڈاکٹر مکنی کے مطابق یہ شعبہ معیشت میں تنوع پیدا کرنے کے لیے نہایت اہمیت رکھتا ہے۔

ایکس پر اصل خبر دیکھیں