ایرانی کرنسی کی قدر میں مسلسل کمی، ڈالر 2 لاکھ 28 ہزار تومان سے تجاوز کر گیا

ایرانی کرنسی کی قدر میں غیر ملکی کرنسیوں کے مقابلے میں ایک بار پھر کمی ریکارڈ کی گئی ہے، جہاں آزاد منڈی میں امریکی ڈالر کا ریٹ 2 لاکھ 28 ہزار تومان سے تجاوز کر گیا۔

یہ گراوٹ صرف ایک روز بعد سامنے آئی ہے جب ایرانی مرکزی بینک کے گورنر نے درآمدات کے لیے غیر ملکی کرنسی کی شدید قلت کی تردید کی تھی۔

مرکزی بینک کے گورنر نے مقامی کرنسی کی اس بڑی گراوٹ کی وجہ ریزرو کرنسی کی طلب میں اضافے اور سرمائے کے ملک سے باہر جانے کو قرار دیا ہے۔

واضح رہے کہ ایران میں زرمبادلہ کی منڈیاں کافی عرصے سے شدید اتار چڑھاؤ کا شکار ہیں اور معاشی دباؤ میں مسلسل اضافہ ہو رہا ہے۔