سعودی عرب میں خوراک سازی کی صنعت 200 ارب ریال سے تجاوز

صکوک مالیہ کے ریسرچ سربراہ فارس القحطانی نے کہا ہے کہ سعودی عرب میں خوراک سازی کی صنعت 200 ارب سعودی ریال سے تجاوز کر چکی ہے اور یہ اب غذائی تحفظ اور معاشی تنوع کی بنیاد بن گئی ہے۔

القحطانی نے الاخباریہ چینل سے گفتگو میں مزید کہا کہ جیوپولیٹیکل اور لاجسٹک چیلنجز کے باوجود مملکت میں خوراک کے شعبے کو کوئی بنیادی مشکلات درپیش نہیں آئیں۔ اس وقت ملک میں 1900 سے زائد خوراک ساز فیکٹریاں ہیں جبکہ 2025 میں خوراک کی برآمدات 15 ارب سعودی ریال تک پہنچنے کی توقع ہے، جو 125 سے زیادہ ممالک کو بھیجی جائیں گی۔

انہوں نے مزید بتایا کہ ڈیلیوری مارکیٹ 2023 میں 13 ارب سعودی ریال سے بڑھ کر 2026 میں 50 ارب سعودی ریال تک پہنچنے کی توقع ہے۔ ان کے مطابق اس شعبے میں صحت بخش اور نامیاتی خوراک، تیار شدہ اور منجمد کھانے اور آبی زراعت نمایاں مواقع ہیں۔

صکوک مالیہ کے ریسرچ سربراہ نے کہا کہ سعودی عرب صرف خوراک کی فراہمی تک محدود نہیں بلکہ وہ دودھ، انڈے، کھجور اور مرغی جیسے اہم شعبوں میں مسابقتی اور برآمدی صلاحیت رکھنے والی خوراکی صنعت بھی تیار کر رہا ہے۔

اعرض التغريدة على منصة X