تیل کی قیمتیں ایک ہفتے سے زائد کی کم ترین سطح پر بند

تیل کی قیمتیں پیر کو ایک ہفتے سے زائد کی کم ترین سطح پر بند ہو گئیں، جب امریکا نے ایران پر اپنی فضائی فوجی کارروائی عارضی طور پر روکنے کا اعلان کیا تاکہ سفارتی کوششوں کو موقع دیا جا سکے۔ اس فیصلے سے آبنائے ہرمز کے ذریعے بحری آمدورفت کی بحالی کی امیدیں بڑھ گئی ہیں۔

برینٹ خام تیل کے سودے 8.42 ڈالر یعنی 8.7 فیصد کمی کے ساتھ 88.36 ڈالر فی بیرل پر بند ہوئے، جبکہ امریکی ویسٹ ٹیکساس انٹرمیڈیٹ خام تیل 6.70 ڈالر یا 7.5 فیصد کمی کے بعد 82.61 ڈالر فی بیرل پر آ گیا۔

تجزیہ کاروں کے مطابق فوجی حملے روکنے سے خدشات میں کمی آئی ہے، تاہم آبنائے ہرمز سے تیل کی ترسیل اب تک معمول پر نہیں لوٹی، اور بحری نقل و حمل میں کمی برقرار ہے۔