ہیئتِ بیمہ کا نیا صحت بیمہ، بیرونی علاج کیلئے پیشگی منظوری نہیں ہوگی

ہیئتِ بیمہ نے اعلان کیا ہے کہ اس نے صحت بیمہ کمپنیوں کو ہدایت دی ہے کہ وہ یکم نومبر 2026 سے ایک نیا صحت بیمہ متعارف کرائیں جس کے تحت بیرونی کلینکس میں علاج کے لیے پیشگی طبی منظوری کی ضرورت نہیں ہوگی۔

ہیئت نے وضاحت کی کہ یہ نیا بیمہ پروڈکٹ گزشتہ برسوں کے دوران صحت بیمہ استفادہ کنندگان کو درپیش ایک اہم مسئلے کے حل کی کوششوں کا حصہ ہے۔ یہ موجودہ بیمہ مصنوعات کے ساتھ ایک اضافی آپشن ہوگا، جس سے آجر اور بیمہ ہولڈر اپنی ضروریات کے مطابق موزوں ترین حل کا انتخاب کر سکیں گے۔

ہیئتِ بیمہ کے چیف ایگزیکٹو انجینئر ناجی الفیصل التمیمی نے کہا کہ یہ اقدام قیادت کی ہدایات کے مطابق شہریوں پر بوجھ کم کرنے اور معیارِ زندگی بہتر بنانے کے لیے ہے، جو سعودی وژن 2030 سے ہم آہنگ ہے۔

التمیمی نے مزید کہا کہ یہ قدم ہیئت کے اس کردار کی عکاسی کرتا ہے جس کے تحت وہ بیمہ مارکیٹ کی رہنمائی کرتی ہے اور کمپنیوں کو ایسی مصنوعات فراہم کرنے کا پابند بناتی ہے جو افراد اور کاروبار کی ضروریات پوری کریں اور قومی بیمہ حکمت عملی سے ہم آہنگ ہوں۔

صارفین اور استفادہ کنندگان کے لیے ہدایت

اسی سلسلے میں، ہیئتِ بیمہ نے صحت بیمہ کے صارفین اور استفادہ کنندگان سے کہا ہے کہ اگر یکم نومبر 2026 کے بعد کوئی کمپنی یہ نیا پروڈکٹ فراہم کرنے سے انکار کرے تو وہ ہیئت سے شکایت کریں۔