تیل کی قیمتوں میں مسلسل دوسرے ہفتے کمی، برینٹ 83 ڈالر فی بیرل

برینٹ خام تیل کی قیمت جمعہ کے روز ایک ڈالر سے زیادہ بڑھی، جبکہ آبنائے ہرمز پر کنٹرول اور اس کی دوبارہ بحالی سے متعلق جاری مذاکرات میں غیر یقینی صورتحال برقرار رہی، تاہم قیمتیں مسلسل دوسرے ہفتے کمی کا شکار رہیں۔

برینٹ خام تیل کے سودے 1.06 ڈالر یعنی 1.3 فیصد اضافے کے ساتھ 83.55 ڈالر فی بیرل پر بند ہوئے۔ امریکی ویسٹ ٹیکساس انٹرمیڈیٹ کے سودے 89 سینٹ یعنی 1.15 فیصد اضافے کے ساتھ 78.18 ڈالر فی بیرل پر پہنچ گئے۔

جمعرات کو تیل کے سودے تین ڈالر فی بیرل سے زیادہ بڑھے، جب ایران نے امریکی اور اسرائیلی جہازوں کی آبنائے ہرمز سے گزرنے پر پابندی کے بل پر غور کیا۔ اس آبنائے سے جنگ شروع ہونے سے قبل دنیا کی تقریباً 20 فیصد تیل اور قدرتی گیس کی سپلائی گزرتی تھی۔