عالمی معیشت میں اب بھی لچک موجود ہے، آئی ایم ایف سربراہ

بین الاقوامی مالیاتی فنڈ (آئی ایم ایف) کی سربراہ کرسٹالینا جارجیوا نے کہا ہے کہ عالمی معیشت میں اب بھی خاصی لچک موجود ہے۔

انہوں نے بلومبرگ سے گفتگو میں کہا کہ امریکی ڈالر کی مضبوطی دراصل امریکہ کی معیشت کی مضبوطی کو ظاہر کرتی ہے۔ ان کا کہنا تھا کہ ہمیں یہ حقیقت تسلیم کرنی چاہیے کہ دنیا تیزی سے بدل رہی ہے۔

کرسٹالینا جارجیوا نے مزید کہا کہ کیون وارش فیڈرل ریزرو میں بہترین کام کر رہے ہیں اور انہوں نے اپنے خیالات واضح طور پر پیش کیے ہیں۔ ان کا یہ بھی کہنا تھا کہ مالیاتی جدت اچھی ہے لیکن اس سے خطرات میں بھی اضافہ ہوتا ہے۔

اس سے قبل جارجیوا نے حکومتوں پر زور دیا تھا کہ وہ بڑھتے ہوئے مالیاتی چیلنجز سے نمٹنے کے لیے اقدامات کریں اور مرکزی بینکوں کو مہنگائی کم کرنے کے عزم پر قائم رہنے کی تلقین کی، ایسے وقت میں جب عالمی معیشت کو بڑھتے ہوئے دباؤ کا سامنا ہے۔