سعودی اسٹاک مارکیٹ میں 14 پوائنٹس کا اضافہ

سعودی اسٹاک مارکیٹ کا مرکزی انڈیکس آج 14.11 پوائنٹس کے اضافے کے ساتھ 10925.69 پوائنٹس پر بند ہوا، جب کہ مجموعی لین دین کی مالیت 3.7 ارب سعودی ریال رہی۔

سعودی خبر رساں ایجنسی کی یومیہ معاشی رپورٹ کے مطابق، آج 201 ملین حصص کا کاروبار ہوا۔ 123 کمپنیوں کے شیئرز کی قیمتوں میں اضافہ جبکہ 130 کمپنیوں کے شیئرز میں کمی ریکارڈ کی گئی۔

سب سے زیادہ اضافہ سینومی ریٹیل، کیمانول، تبوک ایگریکلچر، رتال اور رعایہ کے شیئرز میں ہوا۔ جبکہ اماک، مرافق، لوبریف، العزیزیہ ریٹ اور رسن کے شیئرز میں سب سے زیادہ کمی دیکھی گئی۔ شیئرز کی قیمتوں میں اتار چڑھاؤ 9.96 فیصد سے 4.35 فیصد کے درمیان رہا۔

امریکیانا، پیٹرو رابغ، الکثیری، آرامکو سعودی عرب اور سینومی ریٹیل کے شیئرز سب سے زیادہ حجم میں خریدے گئے۔ جبکہ الراجحی، آرامکو سعودی عرب، پیٹرو رابغ، الاهلی اور البحری کے شیئرز سب سے زیادہ مالیت میں فعال رہے۔

دوسری جانب، سعودی اسٹاک مارکیٹ کا متوازی انڈیکس (نمو) آج 10.37 پوائنٹس کمی کے ساتھ 21573.18 پوائنٹس پر بند ہوا، جس میں 21 ملین سعودی ریال کا کاروبار اور 2.7 ملین حصص کی لین دین ہوئی۔