سعودی عرب کا 2026 کے آخر تک 5 لاکھ 35 ہزار ٹن گندم درآمد کرنے کا اعلان

سعودی جنرل اتھارٹی برائے فوڈ سکیورٹی نے آج اعلان کیا ہے کہ اس سال پانچویں بار 5 لاکھ 35 ہزار ٹن گندم درآمد کرنے کے لیے ٹینڈر جاری کیا گیا ہے، جس کی فراہمی نومبر سے دسمبر 2026 کے دوران ہوگی۔

اتھارٹی کے سربراہ انجینئر احمد بن عبدالعزیز الفارس نے بتایا کہ یہ ٹینڈر گندم کے ذخائر برقرار رکھنے اور مملکت میں آٹے کی ملوں کی ضروریات پوری کرنے کے لیے ادارے کی حکمت عملی کا حصہ ہے۔

انجینئر الفارس کے مطابق، درآمد کی جانے والی گندم نو بحری جہازوں کے ذریعے لائی جائے گی، جن میں سے چار جہاز جدہ اسلامی بندرگاہ، چار جہاز ينبع کمرشل پورٹ اور ایک جہاز جازان بندرگاہ پر پہنچے گا۔

یاد رہے کہ جنرل اتھارٹی برائے فوڈ سکیورٹی بنیادی غذائی اجناس کے اسٹریٹجک ذخائر کو مضبوط بنانے اور خوراک کی فراہمی کو یقینی بنانے کے لیے اپنی منصوبہ بندی پر عمل جاری رکھے ہوئے ہے۔