سونے کی قیمتوں میں مسلسل اضافہ، ڈالر کی کمزوری اور شرح سود کی توقعات مؤثر

سونے کی قیمتیں جمعہ کو اس وقت مزید بڑھ گئیں جب امریکی ڈالر کی قدر میں کمی اور آئندہ ماہ شرح سود میں تبدیلی نہ آنے کی توقعات مضبوط ہوئیں، جس سے سرمایہ کاروں کے لیے قیمتی دھات کی کشش میں اضافہ ہوا۔

بین الاقوامی منڈی میں سونا فوری سودوں میں 0.6 فیصد اضافے کے ساتھ 4376.02 ڈالر فی اونس تک پہنچ گیا، جبکہ امریکی فیوچر مارکیٹ میں سونے کے سودے 0.3 فیصد بڑھ کر 4433.90 ڈالر فی اونس پر بند ہوئے۔

سونے کے ساتھ دیگر قیمتی دھاتوں کی قیمتیں بھی بڑھ گئیں، چاندی فوری سودوں میں 1 فیصد اضافے کے ساتھ 65.08 ڈالر فی اونس ہو گئی۔

اسی طرح پلاٹینم 0.9 فیصد اضافے کے ساتھ 1733.34 ڈالر فی اونس اور پیلاڈیم بھی اتنے ہی اضافے کے ساتھ 1318.50 ڈالر فی اونس پر پہنچ گیا۔