سونے کی قیمت میں ایک فیصد اضافہ، دو ماہ کی بلند ترین سطح پر

جمعرات کو سونے کی قیمت میں ایک فیصد اضافہ ریکارڈ کیا گیا اور یہ دو ماہ سے زائد عرصے کی بلند ترین سطح پر پہنچ گئی۔

بین الاقوامی مارکیٹ میں سونے کی قیمت فوری لین دین میں 0.6 فیصد بڑھ کر 4433.62 ڈالر فی اونس ہو گئی، جب کہ اس سے قبل یہ تقریباً ایک فیصد اضافے کے ساتھ پانچ جون کے بعد بلند ترین سطح پر پہنچ گئی تھی۔

امریکی فیوچر مارکیٹ میں دسمبر کے لیے سونے کے سودے 0.6 فیصد اضافے کے ساتھ 4493 ڈالر فی اونس پر بند ہوئے۔

اسی طرح چاندی کی قیمت فوری لین دین میں تقریباً ایک فیصد بڑھ کر 65.91 ڈالر فی اونس ہو گئی، جو گزشتہ سیشن میں 22 جون کے بعد بلند ترین سطح پر پہنچی تھی۔ پلاٹینم 0.3 فیصد اضافے کے ساتھ 1762.70 ڈالر اور پیلاڈیم 0.1 فیصد بڑھ کر 1371.20 ڈالر فی اونس ہو گیا۔