امریکی مہنگائی کے اعداد و شمار کے انتظار میں سونے کی قیمت میں کمی

آج سونے کی قیمت میں معمولی کمی دیکھی گئی ہے، جبکہ تیل کی قیمتوں میں اضافہ ہوا ہے۔ اس دوران سرمایہ کار اس ہفتے جاری ہونے والے اہم امریکی مہنگائی کے اعداد و شمار کے منتظر ہیں تاکہ فیڈرل ریزرو (امریکی مرکزی بینک) کی شرح سود کی پالیسی کے بارے میں اشارے مل سکیں۔

بین الاقوامی مارکیٹ میں سونے کی قیمت 0.1 فیصد کمی کے بعد 4399.99 ڈالر فی اونس رہی، جبکہ سیشن کے آغاز میں یہ 4442.70 ڈالر تک پہنچ گئی تھی۔

دسمبر میں ترسیل کے لیے امریکی سونے کے فیوچر 0.7 فیصد کمی کے ساتھ 4444.50 ڈالر فی اونس پر بند ہوئے۔

دیگر قیمتی دھاتوں میں، چاندی کی قیمت 0.1 فیصد کمی کے ساتھ 66.08 ڈالر فی اونس رہی، پلاٹینم 0.6 فیصد اضافے کے ساتھ 1836.72 ڈالر فی اونس پر پہنچ گیا، جبکہ پیلاڈیم 0.4 فیصد کمی کے ساتھ 1387.43 ڈالر فی اونس پر آ گیا۔