فلسطینی پولیس نے سڑک پر بھیک مانگنے والے جوڑے کو قیمتی گاڑی سمیت گرفتار کر لیا

فلسطینی پولیس نے بیت المقدس کے نواحی علاقے ابو ديس میں ایک بھکاری اور اس کی بیوی کو اس وقت گرفتار کیا جب وہ ایک قیمتی رینج روور گاڑی میں سوار تھے، جس کی مالیت نصف ملین شیکل (163,500 امریکی ڈالر) سے زیادہ ہے۔

پولیس کے ترجمان، بریگیڈیئر جنرل لوئی ارزیقات نے آج بتایا کہ ابتدائی تحقیقات سے معلوم ہوا ہے کہ مذکورہ بھکاری کے پاس رینج روور گاڑی اور سونے کی تہہ چڑھا ہوا آئی فون 17 پرو میکس بھی موجود ہے۔

ارزیقات کے مطابق حکام اس بات کی بھی تفتیش کر رہے ہیں کہ آیا ملزم کے پاس جائیدادیں یا بینک اکاؤنٹس بھی ہیں، تاکہ اس کے تمام منقولہ اور غیر منقولہ اثاثوں کا سراغ لگایا جا سکے۔

اسی سلسلے میں پولیس نے بھکاری، اس کی بیوی اور ضبط شدہ اشیاء کو اپنی تحویل میں لے کر قانونی کارروائی کے لیے متعلقہ ادارے کے حوالے کر دیا ہے۔

ایکس پر اصل پوسٹ دیکھیں