ترکی کا لبنان کی خودمختاری اور تعمیر نو میں تعاون کا عزم

ترک صدر رجب طیب اردوان نے ایک بار پھر لبنان کی حمایت کا اعادہ کرتے ہوئے اعلان کیا ہے کہ انقرہ جنوبی لبنان کی تعمیر نو میں حصہ ڈالنے اور لبنانی ریاستی اداروں کی صلاحیتوں کے فروغ کے لیے تعاون جاری رکھنے کے لیے تیار ہے، جبکہ انسانی اور فنی امداد بھی جاری رہے گی۔

یہ بات اردوان نے انقرہ میں لبنانی صدر جوزف عون کے ساتھ مشترکہ پریس کانفرنس کے دوران کہی، جو صدر بننے کے بعد اپنی پہلی سرکاری ترک دورے پر ہیں۔

ترک صدر نے کہا کہ ان کا ملک لبنان کی خودمختاری کے تحفظ کے لیے بین الاقوامی فورسز کے انخلا کے بعد کی تمام کوششوں میں شریک ہونا چاہتا ہے، جس سے ان کی مراد اقوام متحدہ کی امن فورس (یونفیل) ہے۔ انہوں نے یہ بھی کہا کہ انقرہ اسرائیلی جارحیت اور قبضے کے خاتمے کے لیے جاری سفارتی کوششوں پر گہری نظر رکھے ہوئے ہے۔

انہوں نے مزید کہا کہ ترکی جنوبی لبنان کی تعمیر نو کے لیے ہر ممکن تعاون فراہم کرنے کو تیار ہے اور لبنانی اداروں کی معاونت اور ان کی صلاحیتوں کے فروغ کا سلسلہ جاری رکھا جائے گا۔

اس موقع پر لبنانی صدر جوزف عون نے کہا کہ لبنان اپنی خودمختاری کی بحالی اور اداروں کی تعمیر نو کے لیے پُرعزم ہے۔ ان کا کہنا تھا: "ہم آج اپنی ریاست کی خودمختاری کی بحالی، وطن کی تعمیر نو اور تمام لبنانیوں کے لیے محفوظ اور مستحکم مستقبل کے قیام کے لیے پہلے سے زیادہ پُرعزم ہیں۔"

مذاکرات میں علاقائی صورتحال، بالخصوص اسرائیلی پالیسیوں، جنوبی لبنان کے علاقوں پر اسرائیلی قبضے اور ایرانی جنگ کے خطے کے استحکام پر اثرات پر بھی تبادلہ خیال کیا گیا۔