امریکا کا ایرانی دعووں کی تردید، آبنائے ہرمز میں بحری آمدورفت جاری

امریکی سینٹرل کمانڈ نے بدھ کی شام اس بات کی تردید کی ہے کہ ایرانی پاسداران انقلاب کی بحری فورسز نے آبنائے ہرمز میں داخلے اور اخراج کی نقل و حرکت پر کنٹرول حاصل کر لیا ہے۔ ان دعوؤں سے یہ تاثر دیا جا رہا تھا کہ بین الاقوامی بحری آمدورفت صرف انہی راستوں تک محدود ہو گئی ہے جو پاسداران انقلاب طے کریں۔

کمانڈ نے واضح کیا کہ ایران آبنائے ہرمز پر کنٹرول نہیں رکھتا اور یہ بین الاقوامی آبی گزرگاہ پاسداران انقلاب کی دھمکیوں اور حملوں کے باوجود کھلی ہے۔

مزید کہا گیا کہ امریکی فوجی تعاون کے ساتھ تجارتی بحری جہازوں کی آمدورفت جاری ہے اور امریکی افواج نے مئی کے اوائل سے اب تک 900 سے زائد بحری جہازوں کو آبنائے سے گزرنے میں مدد فراہم کی ہے۔