مملکت میں آج گرج چمک کے ساتھ بارش اور دھند کا امکان

سعودی عرب میں آج اتوار 14 جمادی الاول 1448 کو موسم میں درمیانی سے تیز گرج چمک کے ساتھ بارش کا سلسلہ جاری رہنے کا امکان ہے، جس سے سیلابی صورتحال پیدا ہو سکتی ہے۔ بارش کے ساتھ ژالہ باری اور تیز ہوائیں بھی چلیں گی جو گرد و غبار کا باعث بنیں گی۔ یہ صورتحال جازان، عسیر، الباحہ، مکہ مکرمہ، مدینہ منورہ، القصیم، حائل، تبوک، الجوف اور شمالی حدود کے کچھ حصوں میں متوقع ہے۔

اسی طرح مشرقی ریجن کے شمالی حصوں میں بھی یہی موسمی صورتحال رہ سکتی ہے، جبکہ ان علاقوں میں دھند بننے کا بھی امکان ہے۔

آج کا موسم

بحر احمر کے حوالے سے پیش گوئی ہے کہ شمالی حصے میں شمال مغربی سے شمالی سمت کی سطحی ہوائیں 10 سے 32 کلومیٹر فی گھنٹہ کی رفتار سے چلیں گی، جو گرج چمک کے ساتھ بارش کے دوران 50 کلومیٹر فی گھنٹہ سے تجاوز کر سکتی ہیں۔ درمیانی حصے میں جنوب مشرقی سے شمال مشرقی ہوائیں 15 سے 35 کلومیٹر فی گھنٹہ کی رفتار سے چلیں گی، جبکہ جنوبی حصے میں جنوبی سے جنوب مشرقی ہوائیں 20 سے 40 کلومیٹر فی گھنٹہ کی رفتار سے چل سکتی ہیں، جو بارش کے دوران 50 کلومیٹر فی گھنٹہ سے زیادہ ہو جائیں گی۔

موجوں کی اونچائی شمالی اور درمیانی حصے میں نصف میٹر سے ڈیڑھ میٹر تک رہے گی اور بارش کے دوران دو میٹر سے بھی زیادہ ہو سکتی ہے۔ جنوبی حصے میں بھی موجوں کی اونچائی ایک میٹر سے دو میٹر تک اور بارش کے دوران اس سے زیادہ ہو سکتی ہے۔