گھریلو ملازم کی خدمت ختم ہونے پر آجر کی ذمہ داریاں

مملکت سعودی عرب میں گھریلو ملازمین کی خدمات فراہم کرنے والے پلیٹ فارم 'مساند' نے وضاحت کی ہے کہ گھریلو ملازم کی خدمت ختم ہونے پر آجر پر کون سی ذمہ داریاں عائد ہوتی ہیں۔

پلیٹ فارم نے اپنے سرکاری 'ایکس' اکاؤنٹ پر ایک پوسٹ میں بتایا کہ آجر پر لازم ہے کہ وہ گھریلو ملازم کی خدمت ختم ہونے کے بعد ایک ہفتے کے اندر اس کی اجرت اور تمام مالی حقوق ادا کرے۔

ایکس پر اصل پوسٹ دیکھیں

مزید کہا گیا ہے کہ آجر کو یہ حق حاصل ہے کہ وہ متعلقہ قوانین کے مطابق، ملازم کے واجبات میں سے کوئی بھی واجب الادا قرض منہا کر سکتا ہے۔

مساند کے مطابق اگر گھریلو ملازم خود معاہدہ ختم کرے تو اس کے حقوق دو ہفتوں کے اندر ادا کیے جائیں گے۔