کیا زائرین سعودی عرب میں مصری ڈرائیونگ لائسنس پر گاڑی چلا سکتے ہیں؟

سعودی محکمہ ٹریفک کے سرکاری اکاؤنٹ پر ایک شہری نے دریافت کیا کہ کیا زائرین سعودی عرب میں مصری ڈرائیونگ لائسنس پر گاڑی چلا سکتے ہیں؟

محکمہ ٹریفک نے ایکس (سابقہ ٹوئٹر) پر وضاحت کی کہ زائرین کو بین الاقوامی یا کسی بھی غیرملکی کارآمد ڈرائیونگ لائسنس پر سعودی عرب میں گاڑی چلانے کی اجازت ہے، تاہم یہ اجازت ملک میں داخلے کی تاریخ سے ایک سال یا لائسنس کی مدت ختم ہونے تک، جو بھی پہلے ہو، برقرار رہے گی۔

منصہ ایکس پر مکمل ٹویٹ دیکھیں

ڈرائیونگ کے دوران اہم ہدایات

ادارہ عمومی ٹریفک نے تمام ڈرائیورز کو مختلف سڑکوں پر احتیاط سے گاڑی چلانے کی ہدایت کی ہے۔

ادارے نے ایکس پر مزید کہا کہ مقررہ رفتار کی پابندی، محفوظ فاصلہ رکھنا اور ترجیحی حقوق دینا لازمی ہے۔

اسی طرح، سمت یا لین تبدیل کرتے وقت اشاروں کا استعمال، توجہ مرکوز رکھنا، راستے سے غافل نہ ہونا اور اچانک تبدیلی کی صورت میں وارننگ لائٹس کا استعمال بھی ضروری ہے۔

یہ ہدایات ادارہ عمومی ٹریفک کی جانب سے جاری کردہ مسلسل آگاہی مہمات کا حصہ ہیں، جس کا مقصد سب کی حفاظت کو یقینی بنانا ہے۔ ادارہ پہلے بھی واضح کر چکا ہے کہ سڑک کے کندھے یا یوٹرن کے لیے مخصوص لین کا غلط استعمال ٹریفک خلاف ورزی ہے۔