سعودی یومِ قومی پر منفرد نمبر پلیٹس کی نیلامی کا آغاز

سعودی محکمہ ٹریفک نے اپنے سرکاری ایکس اکاؤنٹ پر اعلان کیا ہے کہ یومِ قومی سعودی کے موقع پر آج بدھ سے ابشر پلیٹ فارم پر منفرد نمبر پلیٹس کی آن لائن نیلامی کا آغاز ہو گیا ہے، جس میں دلچسپی رکھنے والے افراد حصہ لے سکتے ہیں۔

محکمہ کے مطابق یہ نیلامی کل جمعرات رات دس بجے تک جاری رہے گی۔ خواہش مند افراد کو دعوت دی گئی ہے کہ وہ ابشر پلیٹ فارم کے ذریعے اس الیکٹرانک سروس سے فائدہ اٹھائیں۔

ایکس پلیٹ فارم پر ٹویٹ دیکھیں

محکمہ ٹریفک نے وضاحت کی ہے کہ الیکٹرانک نیلامی میں شرکت کے لیے ابشر پلیٹ فارم پر لاگ ان کریں، 'خدماتی' آئیکون منتخب کریں، پھر 'ٹریفک' میں جا کر 'الیکٹرانک پلیٹس نیلامی' سروس کا انتخاب کریں۔

سروس میں داخل ہونے کے بعد صارف اپنی پسند کی گاڑی کی نمبر پلیٹس کا انتخاب کر سکتا ہے، جس کے بعد دستیاب پلیٹس سامنے آ جائیں گی اور ان پر آن لائن بولی لگائی جا سکے گی۔

یہ نیلامی محکمہ ٹریفک کی ڈیجیٹل خدمات کا حصہ ہے، جس کا مقصد صارفین کے لیے آن لائن نیلامی میں شرکت کے عمل کو آسان بنانا ہے۔