الباحہ میں شدید بارش اور تیز ہواؤں کی وارننگ، آٹھ بجے تک الرٹ

قومی مرکز برائے موسمیات نے آج منگل کو الباحہ ریجن میں شدید بارش اور تیز رفتار ہواؤں کی وارننگ جاری کی ہے، جس کے باعث افقی حدِ نگاہ کم ہونے، سیلابی ریلے آنے، ژالہ باری اور گرج چمک کے امکانات ہیں۔

مرکز کے مطابق یہ وارننگ شہر الباحہ سمیت بلجرشی، المندق، بنی حسن، القری، المخواہ، قلوہ، غامد الزناد، الحجرة اور ملحقہ علاقوں کے لیے جاری کی گئی ہے۔

مرکز نے واضح کیا ہے کہ یہ موسمی صورتحال آج شام آٹھ بجے تک برقرار رہے گی، اور شہریوں کو احتیاط برتنے اور متعلقہ حکام کی ہدایات پر عمل کرنے کی تاکید کی گئی ہے۔

محافظہ العقیق کے لیے بھی الرٹ

اسی سلسلے میں، مرکز نے العقیق اور اس کے گرد و نواح میں بھی درمیانے درجے کی بارش، تیز ہواؤں اور گرج چمک کے ساتھ حدِ نگاہ میں کمی، سیلابی ریلے اور ژالہ باری کی وارننگ جاری کی ہے۔

مرکز کے مطابق یہ صورتحال بھی آج شام آٹھ بجے تک جاری رہنے کا امکان ہے۔