وراثتی جائیداد کی فروخت پر ٹیکس کون ادا کرے گا؟

زکوة، ٹیکس اور کسٹمز اتھارٹی کو ایک شہری نے استفسار بھیجا کہ اگر وراثتی جائیداد فروخت کی جائے تو کیا فروخت کرنے والا وارث ریئل اسٹیٹ ٹرانزیکشن ٹیکس ادا کرے گا؟

اتھارٹی نے اپنے ایکس پلیٹ فارم پر 'اسأل الزكاة والضريبة والجمارك' اکاؤنٹ کے ذریعے وضاحت کی کہ فروخت کنندہ اور خریدار باہمی رضامندی سے ٹیکس کی ادائیگی کا طریقہ طے کر سکتے ہیں۔

اتھارٹی نے مزید بتایا کہ کوئی بھی شخص ٹیکس کی ادائیگی کی رسید جمع کرا سکتا ہے، جو جائیداد کی منتقلی پر لاگو ہوگی، تاہم فروخت کنندہ ہی ٹیکس اور اس سے متعلق تمام ذمہ داریوں کا اصل ذمہ دار ہوگا۔

ایکس پر اصل پوسٹ دیکھیں

اتھارٹی نے یہ بھی واضح کیا کہ زمینوں کی خرید و فروخت پر 5٪ ریئل اسٹیٹ ٹرانزیکشن ٹیکس لاگو ہوتا ہے، جبکہ حکومت شہری کے پہلے رہائشی مکان (صرف تیار شدہ مکان) کی خریداری پر 10 لاکھ سعودی ریال تک کے حصے پر 5٪ ٹیکس خود ادا کرتی ہے۔

زکوة اور کسٹمز اتھارٹی نے اس بات کی بھی تصدیق کی کہ شاہی حکم نامہ زمین کی خریداری یا خود تعمیر پر لاگو نہیں ہوتا۔