زکاة اتھارٹی نے جائیداد پر ٹیکس سے مستثنیٰ مالیت واضح کردی

زکاة، ٹیکس اور کسٹمز اتھارٹی نے جائیدادوں کو املاک کی منتقلی پر عائد ٹیکس سے مستثنیٰ کرنے کے طریقہ کار کی وضاحت کردی ہے۔

املاک کی منتقلی پر ٹیکس

ایک شہری نے اتھارٹی سے استفسار کیا تھا کہ اگر کسی جائیداد کی مالیت 375 ہزار سعودی ریال یا اس سے کم ہو تو کیا اس پر ٹیکس عائد نہیں ہوگا؟

اتھارٹی نے وضاحت کی کہ بورڈ آف ڈائریکٹرز کے فیصلے (نمبر 26-04-10، مورخہ 16 اگست 2026) کے مطابق، یکم جنوری 2018 سے 4 اکتوبر 2020 تک وہ جائیدادیں جن کی منتقلی کسی فرد نے کی ہو اور وہ باقاعدہ طور پر جائیداد فروخت کرنے کا کاروبار نہ کرتا ہو، ان پر ویلیو ایڈیڈ ٹیکس لاگو نہیں ہوگا۔

اتھارٹی نے مزید کہا کہ اگر کوئی فرد بارہ ماہ کے دوران ایک سے زائد جائیدادیں فروخت کرے تو اسے جائیداد فروخت کرنے والا تصور کیا جائے گا۔ اس صورت میں اگر ان جائیدادوں کی مجموعی مالیت رجسٹریشن کی لازمی حد سے تجاوز کر جائے تو ٹیکس عائد ہوگا۔ اس حد کا تعین خلیجی تعاون کونسل کی ویلیو ایڈیڈ ٹیکس معاہدے کے تحت کیا گیا ہے، جو 2018 میں ایک ملین ریال اور 2019 اور اس کے بعد 375 ہزار ریال ہے۔

اتھارٹی نے بتایا کہ اگر کسی فرد نے غیر مستحق ویلیو ایڈیڈ ٹیکس جمع کرایا ہو اور اس نے متعلقہ جائیداد پر ان پٹ ٹیکس کی کٹوتی نہ کی ہو تو وہ زکوة، ٹیکس اور کسٹمز کی خلاف ورزیوں اور تنازعات کی کمیٹی میں رقم کی واپسی کی درخواست دے سکتا ہے۔

درخواست جمع کرانے کے طریقہ کار اور تقاضوں کے بارے میں معلومات کے لیے زکوة، ٹیکس اور کسٹمز کمیٹی کی جنرل سیکریٹریٹ سے @CareGstc پر یا 8001220000 پر رابطہ کیا جا سکتا ہے۔

اعرض التغريدة على منصة X