ایران میں موساد سے منسلک 21 افراد گرفتار

ایرانی وزارتِ سلامتی نے اعلان کیا ہے کہ کرمان صوبے کی انٹیلی جنس ڈائریکٹوریٹ کے اہلکاروں نے فیلڈ انٹیلی جنس آپریشنز کے دوران موساد سے منسلک 21 ایجنٹوں کو گرفتار کیا ہے۔

خبر رساں ایجنسی مہر کے مطابق، یہ انٹیلی جنس ایجنٹس حساس اور اہم فوجی و دفاعی مراکز سے معلومات اکٹھی کر کے موساد کو بھیج رہے تھے۔

سیکیورٹی اہلکاروں نے صوبے میں 4 مسلح افراد کی شناخت اور گرفتاری بھی عمل میں لائی، جن کے قبضے سے اسلحہ اور جنگی گولہ بارود برآمد ہوا۔