سعودی عرب میں خلیجی گاڑیوں کے قیام کی مدت 90 دن مقرر

ہیئة الزکاة و الضريبة و الجمارک نے اعلان کیا ہے کہ خلیجی ممالک کی گاڑیوں کے قیام کے لیے نئی ضوابط 26 اگست 2026 سے نافذ ہوں گے۔

ہیئة نے ایکس پلیٹ فارم پر بتایا کہ کسی بھی خلیجی ملک میں رجسٹرڈ گاڑی، جو کسی سعودی شہری یا مقیم کے نام ہو یا اس کے زیر استعمال ہو، ہر 365 دن میں زیادہ سے زیادہ 90 دن تک سعودی عرب میں رہ سکتی ہے، چاہے یہ مدت مسلسل ہو یا وقفے وقفے سے۔

ہیئة کے مطابق، قیام کی مدت کا آغاز گاڑی کے کسٹم پوائنٹ سے داخلے کے دن سے ہوگا۔ ضوابط کی خلاف ورزی کرنے والوں پر ٹریفک قوانین لاگو ہوں گے۔

ان ضوابط کا اطلاق صرف نجی گاڑیوں پر ہوگا، جبکہ خلیجی ممالک میں لائسنس یافتہ اداروں سے کرائے پر لی گئی گاڑیاں اس سے مستثنیٰ ہوں گی۔

ہیئة نے گاڑی کے قیام کی مدت بڑھانے کے خواہشمند افراد کو ہدایت کی ہے کہ وہ اس سلسلے میں وزارت داخلہ سے رابطہ کریں۔