سعودی عرب میں گرج چمک کے ساتھ بارش اور تیز ہوائیں متوقع

آج اتوار 9 ربیع الثانی 1448ھ کو سعودی عرب میں موسم کی صورتحال کے مطابق، جازان، عسیر، الباحہ اور مکہ مکرمہ کے بعض حصوں میں درمیانی سے تیز بارش اور ژالہ باری کے ساتھ سیلابی ریلے آنے کا امکان ہے، جبکہ مدینہ منورہ کے کچھ علاقوں میں ہلکی سے درمیانی بارش متوقع ہے۔

آج اتوار کا موسم

ان علاقوں کے علاوہ ریاض سمیت متعدد علاقوں میں گرد آلود تیز ہوائیں چلنے کا امکان ہے۔ مکہ مکرمہ اور مشرقی ریجن کے ساحلی حصوں میں رات اور صبح کے اوقات میں دھند چھائے رہنے کی توقع ہے۔

بحر احمر کے حوالے سے پیش گوئی ہے کہ اس کے شمالی حصے میں شمال مغربی سے شمالی سمت کی سطحی ہوائیں 20 تا 43 کلومیٹر فی گھنٹہ کی رفتار سے چلیں گی، جبکہ درمیانی حصے میں یہ ہوائیں 20 تا 45 کلومیٹر فی گھنٹہ ہوں گی۔ جنوبی حصے میں جنوب مغربی سے شمال مغربی سمت کی ہوائیں 15 تا 30 کلومیٹر فی گھنٹہ کی رفتار سے چلیں گی، جو گرج چمک کے ساتھ بارش کے دوران 50 کلومیٹر فی گھنٹہ سے بھی تجاوز کر سکتی ہیں۔

شمالی حصے میں موجوں کی اونچائی ایک سے دو میٹر، درمیانی حصے میں ایک سے ڈھائی میٹر جبکہ جنوبی حصے میں نصف میٹر سے ڈیڑھ میٹر تک رہے گی، تاہم گرج چمک کے ساتھ بارش کے دوران یہ دو میٹر سے بھی زیادہ ہو سکتی ہے۔