مقیم پورٹل کے ذریعے اقامہ گمشدگی کی اطلاع کا نیا طریقہ

سعودی عرب کی جنرل ڈائریکٹوریٹ آف پاسپورٹس نے مقیم کی شناختی دستاویز گم ہونے کی اطلاع دینے کے لیے نیا طریقہ کار واضح کیا ہے، جس کے تحت ادارے اپنے زیر کفالت غیر ملکیوں کے اقامہ گم ہونے کی اطلاع الیکٹرانک طور پر مقیم پورٹل کے ذریعے دے سکتے ہیں اور اس کے لیے جوازات کے دفاتر جانے کی ضرورت نہیں۔

محکمہ نے اپنے آفیشل ایکس اکاؤنٹ پر بتایا کہ اس سروس کا مقصد اداروں کو الیکٹرانک پورٹل کے ذریعے باآسانی اور تیزی سے اطلاع دینے کی سہولت فراہم کرنا ہے۔

محکمہ پاسپورٹ کے مطابق اس سروس سے استفادہ کے لیے درج ذیل اقدامات کیے جائیں:

• مقیم پورٹل میں لاگ ان کریں۔

• مقیم کی معلومات تلاش کریں۔

• مقیم کا اقامہ نمبر درج کریں۔

• مقیم کا پروفائل دیکھیں۔

• جوازات کی خدمات منتخب کریں۔

• اقامہ گمشدگی کی اطلاع دینے کی سروس پر کلک کر کے درخواست مکمل کریں۔

اعرض التغريدة على منصة X

محکمہ پاسپورٹ نے اداروں پر زور دیا ہے کہ وہ مقیم پورٹل پر دستیاب الیکٹرانک خدمات سے بھرپور فائدہ اٹھائیں تاکہ ان کے معاملات تیزی سے نمٹ سکیں اور فراہم کی جانے والی سروسز کا معیار مزید بہتر ہو۔