امریکا کا روس کی ایران کو حملوں میں مدد دینے کے امکان پر تحقیقات

امریکا اس بات کی تحقیقات کر رہا ہے کہ روس نے ایران کو حملے کرنے میں کس حد تک مدد فراہم کی ہے۔

خبر رساں ادارے رائٹرز نے ذرائع کے حوالے سے بتایا ہے کہ امریکی تحقیقات کا محور یہ ہے کہ آیا روس نے ایران کو ڈرون حملے کرنے میں معاونت فراہم کی ہے۔

امریکی صدر ڈونلڈ ٹرمپ نے ریپبلکن ارکان پر زور دیا تھا کہ وہ روس پر پابندیوں سے متعلق بل میں ایران کو بھی شامل کریں۔

امریکی چینل سی این این نے امریکا اور ایران کے درمیان جنگ کے آغاز میں رپورٹ کیا تھا کہ روس ایران کو انٹیلی جنس معلومات فراہم کر رہا ہے۔

رپورٹ کے مطابق یہ معلومات امریکی افواج، بحری جہازوں اور طیاروں کی پوزیشن اور نقل و حرکت سے متعلق ہیں، جیسا کہ امریکی انٹیلی جنس رپورٹس سے واقف متعدد افراد نے بتایا۔