گھر یلو ملازمین کے معاہدے کی تجدید بیرون ملک ممکن نہیں: مساند

سعودی عرب میں گھریلو ملازمین کی خدمات سے متعلق سرکاری پلیٹ فارم مساند کے آفیشل اکاؤنٹ پر ایک صارف نے استفسار کیا: "میری ملازمہ سفر پر گئی ہے اور واپس آرہی ہے، چند روز قبل مساند سے پیغام ملا کہ معاہدہ ختم ہوگیا ہے اور تجدید ضروری ہے، لیکن ویب سائٹ پر معاہدہ تجدید کرنے کا آپشن نظر نہیں آرہا، اس کا طریقہ کیا ہے؟"

مساند نے اپنی ایکس (سابق ٹوئٹر) پر وضاحت کی کہ اگر گھریلو ملازم یا ملازمہ اس وقت مملکت سے باہر ہوں تو معاہدے کی توثیق ممکن نہیں۔

تغریر ایکس پر دیکھیں

پلیٹ فارم نے مزید بتایا کہ معاہدے کی توثیق صرف اس وقت ممکن ہے جب ملازم یا ملازمہ مملکت میں موجود ہوں، تاکہ وہ معاہدے کی شرائط پر براہ راست رضامندی دے سکیں۔

مزید معلومات کے لیے 920002866 پر رابطہ کیا جا سکتا ہے۔