پرانے شناختی دستاویزات رکھنے کی شرائط جاری

سعودی وزارت داخلہ کے محکمہ احوالِ مدنیہ نے تصدیق کی ہے کہ شہری پرانے دستاویزات اپنے پاس رکھ سکتے ہیں۔

محکمہ احوالِ مدنیہ نے ایکس پلیٹ فارم پر بتایا کہ مرد و خواتین شہری اپنی پرانی دستاویزات، جیسے قومی شناختی کارڈ یا فیملی رجسٹر، ان کے متبادل جاری ہونے پر اپنے پاس رکھ سکتے ہیں۔

محکمہ نے واضح کیا کہ پرانے دستاویزات صرف اسی صورت میں رکھی جا سکتی ہیں جب ان کے متبادل جاری ہو جائیں، ان پر سوراخ کر دیا جائے اور انہیں دوبارہ استعمال نہ کیا جا سکے۔

قومی شناختی کارڈ کی خدمات

محکمہ احوالِ مدنیہ نے بتایا کہ قومی شناختی کارڈ سے متعلق متعدد خدمات اب ابشر ایپ کے ذریعے دستیاب ہیں۔

محکمہ کے مطابق، یہ خدمات شہریوں کو شناختی کارڈ کی تجدید، گمشدہ یا خراب کارڈ کے متبادل کے لیے درخواست دینے کی سہولت فراہم کرتی ہیں، اور اس کے لیے اب احوالِ مدنیہ کے دفاتر جانے کی ضرورت نہیں۔

اس سروس کے لیے شہریوں کو ابشر ایپ میں لاگ ان کرنا ہوگا، 'میری خدمات' میں جا کر احوالِ مدنیہ اور قومی شناختی کارڈ کی خدمات منتخب کرنی ہوں گی، پھر مطلوبہ سروس کا انتخاب کرنا ہوگا۔