زکات و کسٹمز اتھارٹی کا آن لائن فراڈ سے خبردار

سعودی زکات، ٹیکس و کسٹمز اتھارٹی نے ادائیگیوں کے دوران آن لائن فراڈ کے خطرات سے خبردار کرتے ہوئے مکلفین پر زور دیا ہے کہ وہ ادائیگی کی درخواستوں کے ذرائع کی تصدیق کریں اور اپنی زکات، ٹیکس اور کسٹمز کی ذمہ داریاں صرف سرکاری ذرائع سے ادا کریں۔

اتھارٹی نے اپنے سرکاری ایکس اکاؤنٹ پر واضح کیا کہ 'زاتکا' کی سرکاری ادائیگی چینلز ہی محفوظ راستہ ہیں، جو صارفین کو فراڈ سے بچاتے اور ان کے مالی لین دین کے تحفظ کو یقینی بناتے ہیں۔

تغریر X پر دیکھیں

اتھارٹی کے مطابق ادائیگی کے سرکاری ذرائع میں 'سداد' سروس (بلر نمبر 020)، اے ٹی ایم مشینیں، اور مدى (mada) و Visa کارڈز شامل ہیں۔

اتھارٹی نے تمام مکلفین کو ہدایت کی ہے کہ کسی بھی آن لائن لین دین کے وقت احتیاط برتیں، غیر مصدقہ ذرائع سے آنے والی ادائیگی کی درخواستوں پر عمل نہ کریں اور ہمیشہ سرکاری ذرائع ہی استعمال کریں تاکہ مالی لین دین محفوظ رہیں۔