مملکت میں شدید بارشیں اور شدید گرمی کا موسم

قومی مرکز برائے موسمیات نے آج اتوار 3-3-1448 کو مملکت میں موسم کی صورتحال کے بارے میں بتایا ہے کہ جازان اور عسیر کے بعض حصوں میں درمیانے سے شدید درجے کی گرج چمک کے ساتھ بارشیں متوقع ہیں، جو سیلابی ریلوں کا سبب بن سکتی ہیں۔ ان بارشوں کے ساتھ ژالہ باری اور تیز ہوائیں بھی چلیں گی۔ نجران، الباحہ اور مکہ مکرمہ کے جنوبی پہاڑی علاقوں میں ہلکی سے درمیانے درجے کی بارش کا امکان ہے۔

آج اتوار کا موسم

مشرقی ریجن اور ریاض، قصیم اور شمالی سرحدی علاقوں کے بعض حصوں میں موسم گرم سے شدید گرم رہے گا۔ ان علاقوں میں تیز ہوائیں چلنے سے گرد و غبار اٹھنے اور حد نگاہ متاثر ہونے کا خدشہ ہے۔ اسی طرح مدینہ منورہ اور مکہ مکرمہ کے بعض حصوں، خصوصاً ساحلی علاقوں میں بھی گرد آلود ہوائیں چل سکتی ہیں، جس سے حد نگاہ کم یا تقریباً ختم ہو سکتی ہے۔ اس کا اثر ساحلی شاہراہ تک پھیل سکتا ہے جو جازان تک جاتی ہے۔

بحر احمر کے بارے میں پیش گوئی ہے کہ شمالی حصے میں سطحی ہوائیں شمال مغرب سے مغرب کی سمت 15 تا 30 کلومیٹر فی گھنٹہ کی رفتار سے چلیں گی، جبکہ درمیانی حصے میں 20 تا 45 کلومیٹر فی گھنٹہ اور جنوبی حصے میں جنوب مغرب سے شمال مغرب کی سمت 15 تا 45 کلومیٹر فی گھنٹہ کی رفتار سے چلیں گی، جو گرج چمک کے ساتھ بارش کے دوران 55 کلومیٹر فی گھنٹہ تک پہنچ سکتی ہیں۔

شمالی حصے میں موجوں کی بلندی نصف میٹر سے ڈیڑھ میٹر تک، جبکہ درمیانی اور جنوبی حصے میں ڈیڑھ میٹر سے ڈھائی میٹر تک رہے گی۔ جنوبی حصے میں گرج چمک کے ساتھ بارش کے دوران موجوں کی بلندی ڈھائی میٹر سے بھی زیادہ ہو سکتی ہے۔