امریکی ایوان نمائندگان نے حکومت کی بندش روکنے کے لیے عارضی فنڈنگ منظور کر لی

امریکی ایوان نمائندگان، جس پر ریپبلکنز کو کنٹرول حاصل ہے، نے منگل کے روز حکومت کی ممکنہ بندش سے بچنے کے لیے ایک عارضی اقدام منظور کیا ہے، جس کے تحت وفاقی ایجنسیوں کو چار دسمبر تک فنڈنگ فراہم کی جائے گی۔

اس ووٹنگ کے بعد یہ عارضی اقدام سینیٹ کو بھیج دیا گیا ہے، جہاں ریپبلکن رہنما اپنے طور پر عارضی فنڈنگ کا بل ڈیموکریٹس کے ساتھ مذاکرات کے تحت زیر غور لا رہے ہیں۔

اگر کانگریس نے کوئی اقدام نہ کیا تو بیشتر وفاقی ایجنسیوں کے پروگراموں کی فنڈنگ 30 ستمبر کی نصف شب، جو موجودہ مالی سال کا اختتام ہے، ختم ہو جائے گی۔