مسلح جھڑپ میں ایک اسرائیلی اور چار فلسطینی ہلاک، آٹھ زخمی

مغربی کنارے میں مسلح جھڑپ کے دوران ایک اسرائیلی اور چار فلسطینی ہلاک جبکہ آٹھ افراد زخمی ہو گئے، اس کی تصدیق نجمة داود الحمراء اور فلسطینی وزارت صحت نے کی ہے۔

نجمة داود الحمراء کے مطابق ایک اسرائیلی ہلاک اور دو دیگر شدید زخمی ہوئے، جبکہ ایک زخمی کی حالت درمیانی سے ہلکی بتائی گئی ہے۔

دوسری جانب فلسطینی وزارت صحت نے تصدیق کی کہ اسی واقعے میں چار فلسطینی ہلاک اور چار زخمی ہوئے ہیں۔

اسرائیلی فوج نے بتایا کہ اس نے فائرنگ میں ملوث فلسطینیوں کی تلاش کے لیے وسیع آپریشن شروع کر دیا ہے، اور واقعے کے بعد علاقے میں اضافی فوجی دستے تعینات کیے گئے ہیں۔ فوج کے مطابق یہ کارروائی اس وقت شروع کی گئی جب اسرائیلی آبادکاروں پر سیر کے دوران حملہ ہوا۔

اسرائیلی فوج نے مزید بتایا کہ ملزمان نے جائے وقوعہ پر پہنچنے والے سکیورٹی کوآرڈینیٹر کا اسلحہ بھی چھین لیا اور اسرائیلیوں پر فائرنگ کی۔