عمرہ ویزے کی مدت ختم ہونے پر نئے ویزے کا اجرا ممکن

وزارت حج و عمرہ نے وضاحت کی ہے کہ ایک ہی سال میں عمرہ ویزہ دوبارہ جاری کرانے کی سہولت موجود ہے۔ یہ وضاحت وزارت کے سرکاری ایکس اکاؤنٹ پر ایک صارف کے سوال کے جواب میں سامنے آئی۔

ایک صارف نے وزارت سے دریافت کیا تھا کہ اگر کوئی معتمر عمرہ ویزے کی مکمل 90 روزہ مدت گزار لے تو کیا اسے اسی سال دوسرا ویزہ جاری کیا جا سکتا ہے یا ہر شخص کے لیے سال میں صرف ایک ویزہ کی اجازت ہے۔

اعرض التغريدة على منصة X

وزارت حج و عمرہ نے جواب میں کہا کہ اگر ویزہ کی مدت ختم ہو جائے یا اس میں چند دن باقی رہ جائیں تو نیا عمرہ ویزہ جاری کرایا جا سکتا ہے۔

وزارت کی یہ وضاحت معتمرین کی جانب سے عمرہ ویزہ کے اجرا اور قیام کی مدت سے متعلق پوچھے گئے سوالات کے جواب میں سامنے آئی ہے۔