کفیل کے جیل میں ہونے پر اقامہ تجدید کا طریقہ کار واضح

سعودی عرب میں المدیریہ جنرل برائے جوازات نے وضاحت کی ہے کہ اگر کسی کارکن کا کفیل جیل میں ہو اور وہ اپنی اقامہ سے متعلقہ کارروائی مکمل کرنا چاہے تو اس کے لیے کیا طریقہ کار اختیار کیا جائے۔

یہ وضاحت جوازات کے سرکاری ایکس اکاؤنٹ پر ایک صارف کے سوال کے جواب میں سامنے آئی، جس نے پوچھا: "میرا کفیل جیل میں ہے اور میری اقامہ کی مدت میں ایک ماہ باقی ہے، میں فائنل ایگزٹ کیسے حاصل کروں؟"

تغریدہ X پر دیکھیں

جوازات نے بتایا کہ اس صورت میں کارکن کے وکیل کو سب سے پہلے المدیریہ جنرل برائے جیل خانہ جات سے رجوع کرنا ہوگا تاکہ مطلوبہ وکالت نامے میں درج اختیارات کی تصدیق کی جا سکے، اس کے بعد جوازات کے دفتر سے رجوع کیا جائے، جہاں وکالت نامے میں درج اختیارات کے مطابق کارروائی کی جائے گی۔

جوازات نے مزید کہا کہ تمام کارروائیاں وکالت نامے میں درج اختیارات اور متعلقہ ضوابط کے مطابق مکمل کی جاتی ہیں۔