گھریلو ملازمہ کی اقامت قبل از وقت تجدید پر باقی مدت منسوخ ہوگی؟ جوازات کا جواب

سعودی عرب میں محکمہ جوازات کے سرکاری اکاؤنٹ پر ایک شہری نے استفسار کیا: "السلام علیکم، میری ایک گھریلو ملازمہ ہے، میں اس کی اقامت تجدید کرنا چاہتا ہوں جبکہ اقامت کی مدت ختم ہونے میں دو ماہ باقی ہیں۔ اگر میں ابھی تجدید کی درخواست دوں تو کیا موجودہ دو ماہ منسوخ ہو جائیں گے یا مدت میں صرف اضافہ ہوگا؟"

جوازات نے اپنے ایکس اکاؤنٹ کے ذریعے وضاحت کی کہ اقامت کی مدت کا شمار اختتامی تاریخ سے کیا جاتا ہے۔

تغریدہ ایکس پر دیکھیں

مقیم کارڈ گم ہونے کی اطلاع دینے کا طریقہ

محکمہ جوازات نے وضاحت کی ہے کہ مقیم کارڈ گم ہونے کی اطلاع دینے کے لیے 'مقیم' پورٹل کے ذریعے چھ مراحل مکمل کرنا ہوں گے۔

محکمہ کے مطابق ادارے اپنے زیر کفالت غیر ملکی کارکنان کے مقیم کارڈ گم ہونے کی اطلاع درج ذیل مراحل کے ذریعے دے سکتے ہیں:

1 - مقیم پورٹل میں لاگ ان کریں

2 - مقیم کی تلاش کریں

3 - مقیم کارڈ نمبر شامل کریں

4 - مقیم کا پروفائل دیکھیں

5 - جوازات خدمات منتخب کریں

6 - مقیم کارڈ گم ہونے کی اطلاع منتخب کریں