امریکا کی ایران پر جنگ کی لاگت 37.5 ارب ڈالر تک پہنچ گئی

امریکی وزیر دفاع پیٹ ہیگسیث نے منگل کو کہا ہے کہ ایران کے خلاف امریکی جنگ پر اب تک 37.5 ارب ڈالر خرچ ہو چکے ہیں، جو آخری عوامی تخمینے کے مقابلے میں تقریباً 8 ارب ڈالر زیادہ ہیں۔

ہیگسیث نے قانون سازوں کو بتایا کہ اس رقم میں 30 ستمبر تک متوقع اخراجات بھی شامل ہیں۔

یہ پہلا موقع ہے کہ وزیر دفاع، جو سینیٹ کی کمیٹی برائے اخراجات کے سامنے چیئرمین جوائنٹ چیفس آف اسٹاف جنرل ڈین کین کے ہمراہ پیش ہوئے، نے امریکی افواج کی ایران کے خلاف کارروائیوں کے آغاز کے بعد عوامی طور پر سوالات کے جوابات دیے ہیں۔

واضح رہے کہ امریکا نے فروری کے آخر سے ایران کے خلاف جنگ کا آغاز کیا تھا، جس کا مقصد اس کی فوجی اور جوہری صلاحیتوں کو کمزور کرنا اور آبنائے ہرمز میں اس کی جانب سے بحری نقل و حمل کو لاحق خطرات کا سدباب کرنا ہے۔