شدید گرمی میں گاڑی چلانے کے لیے ٹریفک پولیس کی اہم ہدایات

سعودی محکمہ ٹریفک نے گاڑی چلانے والوں کو ہدایت کی ہے کہ شدید گرمی کے دوران ڈرائیونگ کرتے وقت حفاظتی تدابیر پر عمل کریں تاکہ ان کی حفاظت اور سفر کے دوران گاڑی کی مکمل تیاری یقینی بنائی جا سکے۔

محکمہ ٹریفک نے اپنے آفیشل ایکس اکاؤنٹ پر وضاحت کی کہ سفر سے قبل ٹائروں کا پریشر ضرور چیک کریں، کیونکہ اس سے حفاظت میں اضافہ اور گرمی کے باعث خرابی کے امکانات کم ہوتے ہیں۔

اس کے علاوہ، انجن کولنٹ کی مقدار اور اس کی کارکردگی کو چیک کرنا بھی ضروری ہے تاکہ شدید گرمی میں انجن زیادہ گرم ہونے سے بچایا جا سکے، خصوصاً جب درجہ حرارت بہت زیادہ ہو۔

تغریر X پر دیکھیں

شدید گرمی میں گاڑی چلانے سے پہلے کی ہدایات

محکمہ ٹریفک نے مشورہ دیا ہے کہ گاڑی کو پارک کرتے وقت ممکنہ حد تک براہ راست دھوپ سے دور رکھیں تاکہ اندرونی درجہ حرارت کم رہے اور گاڑی کے پرزے محفوظ رہیں۔

مزید کہا گیا کہ روانگی سے قبل چند منٹ کے لیے کھڑکیاں اور دروازے کھول کر گاڑی کو ہوادار بنائیں، اس طرح اندر جمع شدہ گرمی کم ہو گی اور ڈرائیور و مسافروں کے لیے زیادہ آرام دہ اور محفوظ ماحول میسر آئے گا۔

محکمہ ٹریفک نے زور دیا کہ ان ہدایات پر عمل سے ٹریفک سیفٹی میں بہتری آتی ہے اور گرمی کے موسم میں گاڑیوں میں خرابی کے امکانات کم ہو جاتے ہیں۔