ایبشر کے ذریعے پاسپورٹ کی تجدید کے شرائط جاری

سعودی محکمہ پاسپورٹ نے واضح کیا ہے کہ شہری وزارت داخلہ کے ایبشر پلیٹ فارم کے ذریعے اپنا پاسپورٹ الیکٹرانک طور پر تجدید کر سکتے ہیں، بشرطیکہ موجودہ پاسپورٹ کی میعاد ختم ہونے میں چھ ماہ باقی ہوں۔ اس ضمن میں شہریوں اور ان کے اہل خانہ کے لیے مقررہ شرائط و ضوابط کی پابندی ضروری ہے۔

محکمہ پاسپورٹ کے مطابق، عرب ممالک کا سفر کرنے کے لیے پاسپورٹ کی مدت ختم ہونے سے تین ماہ قبل تک سفر کیا جا سکتا ہے، جبکہ دیگر ممالک کے لیے یہ مدت چھ ماہ ہے۔

ایکس پر اصل پوسٹ دیکھیں

مزید وضاحت کی گئی ہے کہ فیملی رجسٹریشن کارڈ (سجل الأسرة) کو سفری دستاویز نہیں سمجھا جاتا، اور ایبشر یا توکلنا پلیٹ فارم پر دستیاب ڈیجیٹل قومی شناختی کارڈ بیرون ملک سفر کے لیے قابل قبول نہیں ہے۔

محکمہ پاسپورٹ نے اس بات پر بھی زور دیا ہے کہ خلیجی ممالک کا سفر کرتے وقت کارآمد پاسپورٹ یا قومی شناختی کارڈ ساتھ رکھنا ضروری ہے، تاکہ سفری تقاضے پورے کیے جا سکیں اور کسی قسم کی رکاوٹ سے بچا جا سکے۔