حجاج بیرون ملک کے لیے ’جامع پیکیج‘ کی تفصیلات جاری

وزارت حج و عمرہ نے بیرون ملک سے آنے والے حجاج کے لیے ’جامع پیکیج‘ کی تفصیلات جاری کی ہیں، جو مکتبہ امور حجاج اور بیرونی حج ایجنسیوں کے ذریعے آنے والوں کے لیے مختص ہے۔ اس پیکیج کے تحت حجاج کو حج کی ادائیگی کے لیے درکار تمام بنیادی سہولیات ایک ہی پیکیج میں فراہم کی جائیں گی، اور یہ تمام خدمات آسان اور قابل اعتماد ڈیجیٹل طریقہ کار کے ذریعے دستیاب ہوں گی۔

وزارت نے اپنے سرکاری ایکس اکاؤنٹ پر بتایا کہ ’جامع پیکیج‘ کا مقصد حجاج کو زیادہ واضح اور سہل تجربہ فراہم کرنا ہے، جس کے تحت تمام بنیادی خدمات ایک فریم ورک میں جمع کی گئی ہیں اور ڈیجیٹل طریقے سے وہ تمام سہولیات فراہم کی جائیں گی جن کی حاجی کو سفر کے دوران ضرورت ہوتی ہے۔ ان میں شامل ہیں:

• مشاعر مقدسہ کے پیکیجز

• رہائش

• خوراک

• ٹرانسپورٹ

ایکس پر مکمل پوسٹ دیکھیں

جامع پیکیج کی نمایاں خصوصیات

وزارت حج و عمرہ کے مطابق اس پیکیج کے تحت بیرون ملک حجاج کو متعدد سہولیات میسر آئیں گی، جن میں ’المسار الیکٹرانک پلیٹ فارم‘ کے ذریعے آسانی سے معاہدہ مکمل کرنے کی سہولت بھی شامل ہے۔

اس کے علاوہ پیکیج میں حجاج کی ضروریات اور ترجیحات کو مدنظر رکھتے ہوئے مختلف آپشنز فراہم کیے گئے ہیں، جبکہ اضافی اور اختیاری خدمات بھی منتخب کی جا سکتی ہیں۔

وزارت نے اس بات پر زور دیا کہ ’جامع پیکیج‘ کا مقصد حجاج کو زیادہ واضح اور سہل تجربہ فراہم کرنا ہے، جس کے تحت تمام بنیادی خدمات ایک جگہ اور آسان، قابل اعتماد ڈیجیٹل طریقے سے مہیا کی جائیں گی۔