کیا مختلف ممالک سے دو گھریلو ملازمائیں منگوائی جا سکتی ہیں؟ مساند کی وضاحت

سعودی عرب میں گھریلو ملازمین کی خدمات فراہم کرنے والے سرکاری پلیٹ فارم 'مساند' کے آفیشل اکاؤنٹ پر ایک صارف نے استفسار کیا: "اگر میں نے ایک گھریلو ملازمہ منگوائی ہے تو کیا مجھے کسی اور ملک سے گھریلو ملازم منگوانے کی اجازت ہے؟"

اس پر مساند نے اپنی ایکس (سابق ٹوئٹر) اکاؤنٹ پر وضاحت کی کہ اگر استقدام کے ضوابط پورے کیے جائیں تو اب مختلف ممالک سے گھریلو ملازمین کی ویزا درخواست دی جا سکتی ہے۔ اس کے لیے مساند پلیٹ فارم پر لاگ ان ہو کر 'گھریلو ملازمین کا ویزا' سروس استعمال کی جا سکتی ہے۔

مزید معلومات کے لیے 920002866 پر رابطہ کیا جا سکتا ہے۔

گھریلو ملازمین کے استقدام میں سرکاری ذرائع کا استعمال لازمی

مساند کے آفیشل اکاؤنٹ نے گھریلو ملازمین کے استقدام کے دوران سرکاری ذرائع کے استعمال کی اہمیت پر زور دیا ہے اور کہا ہے کہ تمام ادائیگیاں پلیٹ فارم کے ذریعے کرنا سب سے محفوظ طریقہ ہے، جس سے شفافیت اور فراڈ سے بچاؤ ممکن ہے۔

مساند نے ایکس پر بتایا کہ مالی اور قانونی حقوق کے تحفظ کے لیے تین بنیادی اقدامات ضروری ہیں:

مساند پلیٹ فارم کے ذریعے ادائیگی: تمام مالی فیسیں سرکاری چینلز کے ذریعے الیکٹرانک طور پر ادا کی جائیں تاکہ مالی لین دین کی دستاویزات محفوظ رہیں اور صارفین کے حقوق کا تحفظ ہو سکے۔

استقدام دفتر کی تصدیق: معاہدے سے قبل اس بات کی تصدیق ضروری ہے کہ استقدام کا دفتر مساند پر رجسٹرڈ اور لائسنس یافتہ ہے۔

معاہدوں کا جائزہ اور منظوری: معاہدے کی شرائط اور متن کو پلیٹ فارم پر چیک کر کے الیکٹرانک طور پر منظور کرنا چاہیے، تاکہ معاہدہ محفوظ اور تمام فریقین کے حقوق یقینی ہوں۔