سعودی عرب میں 48 گھنٹے تک گرج چمک کے ساتھ بارشوں کی پیشگوئی

قومی مرکز برائے موسمیات نے توقع ظاہر کی ہے کہ آئندہ 48 گھنٹوں، یعنی منگل اور بدھ کو، سعودی عرب کے بیشتر علاقوں میں گرج چمک کے ساتھ بارشوں کا سلسلہ جاری رہے گا۔

ان بارشوں کے ساتھ تیز ہوائیں، ژالہ باری، بلند لہریں اور سیلابی کیفیت بھی متوقع ہے۔

مرکز نے اپنے سرکاری ایکس اکاؤنٹ پر وضاحت کی ہے کہ جازان، عسیر، الباحہ اور مکہ مکرمہ میں درمیانے سے شدید درجے کی بارشیں متوقع ہیں۔ اس کے علاوہ الجوف، شمالی حدود، مدینہ منورہ اور حائل کے بعض حصوں میں ہلکی سے درمیانی بارشیں ہوں گی۔

اعرض التغريدة على منصة X

مرکز نے عوام سے اپیل کی ہے کہ وہ موسمی صورتحال سے متعلق تازہ ترین اطلاعات، رپورٹس اور انتباہات کے لیے اس کی ویب سائٹ، 'انواء' ایپ اور سوشل میڈیا اکاؤنٹس پر نظر رکھیں اور ضروری احتیاطی تدابیر اختیار کریں۔